Фотографија на денот: Пустош на станицата во Краматорск

Од украинска страна се наведува и дека во нападот има над сто повредени луѓе. Украинскиот претседател Володимир Зеленски изјави: „Очекуваме решителна светска реакција на ова воено злосторство“.

Регионалниот гувернер Павло Кириленко информираше дека станицата била нападната со балистичка ракета со краток дострел од типот Точка-У. Таа, како што се тврди, содржела распрснувачка муниција.

Русија отфрла секаква одговорност за нападот и за него ја обвинува Украина. „Режимот во Киев“ ја гаѓал станицата за да спречи бегство на населението и да го злоупотреби како „човечки штит“ за одбрана на армиските позиции, соопшти Министерството за одбрана во Москва.

Според американското Министерство за одбрана, одговорни за нападот врз станицата во Кратаморск се руските трупи. Руските официјални деманти по ова прашање „не се уверливи“, изјави портпаролот на Пентагон, Џон Кирби.

На оваа фотографија - еден од вагоните на железничката станица во Краматорск по нападот.