Уапсените опозиционери почнаа штрајк со глад
29 март 2006Повеќето уапсени демонстранти, јавуваат локалните активисти за човекови права почнаа штрајк со глад. Имено стотици демонстранти, кои протестираа против оспоруваниот трет избор на досегашниот претседател Александар Лукашенко, во затворот во главниот град Минск мора да се справат со лоши затворски услови.
Инаку церемонијата на инаугурација на белорускиот претседател Александар Лукашенко, која беше предвидена за во петок, според извори од изборната комсијата ќе биде одложена за првата половина на април. Комисијата не даде никакво објаснување за промена на одлуката.
Алексаднар Лукашенко на изборите кои се одржаа на 19 март освои 81 процент од гласовите, а неговиот противкандидат Александар Милинкиевич 6,1 насто гласови. Опозицијата ги оспори резултатите и оддржа повеќедневни протести во Минск, а од Берлин, германската канцеларка Ангела Меркел сигнализираше помош за опозицијата.