Турција страда од руските санкции
15 декември 2015
Русинката Лиза Крол со години купува во Истанбул. Таа бара стока за својот бутик во Ставропол. Деловната жена стравува дека поради санкциите бизнисот ќе стане потежок:
„Ова е веројатно моето последно патување годинава. Којзнае што ќе се случи и дали наредната година деловните врски воопшто ќе опстојат.“
За турските трговци руските санкции се тежок удар, а страда и туризмот. Русите веќе не доаѓаат во Турција.
Продавачката Ина Болгар вели:
„По соборувањето на авионот бројот на муштерии е прилично намален. Сега само околу половината од нашите муштерии се Руси и сите прашуваат кога протокот на стоки ќе се нормализира, кога сето ова ќе заврши и кога воопшто ќе биде биде повторно можен сосема нормален бизнис.“
Турскиот извоз за Русија минатата година изнесуваше околу 5,5 милијарди евра. Најважни извозни стоки беа облека и прехранбени намирници. Турските стопански здруженија тврдат дека во моментов е се‘ уште многу рано за штетите од санкциите да може да се изразат во бројки.
Овде може да го погледнете видеото: