Трка за болнички кревет повеќе

Во македонските болници во моментов,според податоците на здравствените власти има огромен наплив на пациенти од Ковид-19. Бројката на хоспитализирани изнесува 1744.

Се интервенира со ангажирање дополнителни одделенија, инсталирање кислород, екстра кадар според систем на ротација за да се одржи здравствениот систем и за секој пациент да се обезбеди болнички кревет.

Според македонските здравствени власти оваа недела е критична кога станува збор на натамошното ширење на вирусот во третиот бран, во кој се регистрирани голем број заразени и починати.

Според податоците на Министерството за здравство, бројот на активни случаи во државава достигна 21.265. Само вчера беа пријавени нови 1259 случаи на Ковид-19 од направени 4.555 тестирања. Борбата со болеста ја загубија 45 лица.

Повеќе:

-Фотографија на денот: Македонски локдаун

-Сведоштво на медицинска сестра: „Мора да преживееш за синот!“

-Ковид-19: Најкритично во четири градови, наскоро пристигнува нова пратка вакцини

Во меѓувреме продолжува масовната вакцинација против Ковид-19 во салата „Борис Трајковски“ и во сите здравствени домови ширум државата а од денеска во сила стапуваат преостанатите рестриктивните мерки во рамките на своевидниот локдаун за заштита од натамошното ширење на вирусот. 

Откако вчера беа затворени се фитнес центрите, спортските и салите за вежбање и полицискот час започна два часа порано, односно во 20 часот наместо во 22 часот, од денеска за гости вратите ги затворија и угостителските објекти. Дополнотелителните рестрикции ќе важат до 20 април.