Стари убавци
Сјајни хромирани лајсни, заоблена предница и внатрешност во кожа: олдтајмерите кај многумина предизвикуваат восхит. На светски најголемиот саем Техно-Класика во Есен старите убавци мамат со сиот свој раскош.
Сон од „ерата Аденауер“
Опел Капитен важи за еден од статусните симболи на германското економско чудо. Возилото во тоа време можеше да се купи за 9350 германски марки. Ако се платеа 900 марки плус, се добиваа одвоени предни седишта, ретровизор кој се затемнува и заден бришач. Автомобилот беше толку омилен, што се најде дури и во песните на Рајнхард Меј: „тотален луксуз, Капитен бел како снег“.
Те поздрави Бетмен
Овој автомобил како да е од некој друг свет: Бугати 57Ц. Францускиот автопроизводител го извади на пазарот во февруари 1937 година. Но продажбата одеше бавно. До крајот на таа година беа испорачани само пет возила. Вкупно се направени 95 примероци - еден од нив стигна и на саемот на одлтајмери во Есен.
Минибус кој влезе во историјата
На прв поглед можеби не изгледа така, но тој е олдтајмер. Фолксваген Тип 2 од 1950 година, меѓу народот познат како „Були“, е прв модел од серијата минибуси на Фолскваген. Вистински популарен стана многу години подоцна, во времето на хипи-движењето. Минибусите се фарбаа шарено и се тргнуваше кон јужна Европа или Калифорнија.
Омилен луксуз
Недостижен сон за многу луѓе: барем еднаш да се провозат со Порше Карера Кабриолет. Спортскиот автомобил Тип 356 има заден мотор со 4 цилиндри и своевремено чинеше 10.000 германски марки. Сепак, и покрај за тоа време високата цена, беа продадени многу вакви возила - од 1948 до 1965 година се произведени дури 76.000 возила.
Назад во иднината
Овој навидум футуристички модел е Ламборџини Миура. Спортскиот автомобил се произведуваше од 1966 до 1973 година и го носи името на еден одгледувач на бикови за корида. Миура беше еден од најбрзите автомобили на светот и беше резулат на прецизна рачна работа. Муштериите тоа го ценеа. Ламборџини првпат забележа добивка токму со овој автомобил.
Добар влог
Мерачи на брзина и задни светла: на автомобилскиот саем во Есен се продаваат и делови за олдтајмери. Оние кои вложиле пари во некој олдтајмер, постапиле исправно: според портпаролот на саемот Техно-Класика, минатата година цените на овие автомобили се зголемила за 4 проценти во однос на годината пред тоа.