Србите од северниот дел на Косово најавија референдум
26 декември 2011Најавено е дека општините од северот на Косово ќе одлучуваат околу распишување референдум на кој граѓаните ќе се изјаснат дали ги прифаќаат албанските институции на северот на Косово. Референдумот најверојатно ќе биде одржан на Денот на независноста на Србија - 15. февруари.
„Уредбата нанесе голема штета на Србите кои живеат во Косово и ние со неа не се согласуваме, но не можеме да ја ставиме надвор од сила“, изјави претседателот на општина Косовска Митровица, Крстимир Пантиќ.
Во однос на барикадите во северниот дел на Косово, Пантиќ нагласи дека тие ќе останат таму, но дека локалното население нема да влегува во судир со КФОР и ЕУЛЕКС, како и дека во случај да бидат отстранети, тие ќе постават нови.
Автор: ЕМФ/бета
Редактор: Ж. Ацеска