Светот на „Игра на троновите“ во Ирска
Местата каде што се снимаше „Игра на троновите“ во Северна Ирска станаа места на аџилак за фановите на култната серија. Со крајот на последната сезона еве го и „вистинскиот“ Вестерос.
Касл ворд
Тврдината Винтерфел на семејството Старк е инаку на располагање на туристите - кога не се снима серијата. Посетителите во автентичен амбиент можат да стрелаат со лак и со стрела или да учествуваат во борба со копја, секако, во автентични костими.
Одис филд
Одис филд е местото каде што Роб Старк логоруваше по својот поход на Ленистер. По битката во Виспервалд тој тука го држеше во заложништво Џејми Ленистер. Подоцна е убиен.
Толимор форест
На околу час возење се наоѓа Толимор форест. Тука се снимаше најголемиот дел од сцените кои се случуваа во околината на Винтерфел. Освен тоа што тука живеат децата на семејството Старк, на тоа место живеат и дивјаци. Се работи за национален парк кој фановите на „Игра на тронови“ не смеат да го пропуштат.
Дарк Хеџиз
Оваа алеја речиси никогаш не е вака пуста - преку ден тука има гужва од автомобили и туристички автобуси. Во серијата таа е дел од кралскиот пат кој од Кенигсумнд води на север. Тука Арија откако го убија татко и' стигна до Градот на железниот престол.
Кашендун
Екстремните временски услови на Северниот брег ги обликуваа 400 милиони години. Станува збор за пештерите Кашендун. Тука е снимана втората сезона. И тука Мелисандра го донесе на свет црното чудовиште кое го уби Ренли Баратеон.
Шиланавоги
На околу 30 километри од Белфаст е родниот крај на народот Дотраки - многу сцени со нив беа направени во долината под ридот Слемиш (на сликата). „Дотрачкото море“ во серијата се наоѓа источно од Есос, големиот континент источно од Вестерос.
Портстујарт
Плажата Портстујарт со зелени ливади во заднината спаѓа во најубавите во земјата и беше едно од местата каде што се снимаше „Игра на троновите“.
Балинтој
Пристаништето во Белинтој во серијата е пристаништето Пеика, главно меѓу Железните острови. Неговите жители се познати како добри морепловци. Тука, но и на околните плажи се снимани повеќе епизоди од серијата.
Лерибејн
Во Лерибејн е сниман турнирот на кој Бријен фон Тарт го победи Лорас Тајрел и стана член на Кралската гарда на Ренијеви. Потоа стана една од главните јунаци на серијата. Таа преживеа до осмата сезона.
Даунхил
Во серијата тоа е островот Драхенштајн кој Бератеони кусо го презедоа од Таргаријен. Ова е, исто така, едно од култните места за сите фанови на популарната серија.