Нимиц во Македонија на 28, во Грција на 30 јули

Посредникот во разговорите за спорот за името, амбасадорот Метју Нимиц, на 28 јули ќе ја почне посетата на Македонија и Грција.

Според соопштението на Обединетите нации, Нимиц првин ќе допатува во Македонија, на 28 и 29 јули, а потоа ќе замине на средби во Атина на 30 и 31 јули.

„Целта на средбите е да се интезивираат разговорите под покровителсто на Обединетите нации насочени кон изнаоѓање на взаемно прифатливо решение за спорот за името“, пишува во соопштението на Обединетите нации.