Најлошиот сообраќај во светот
Компанијата за анализа на сообраќај Инрикс пресмета колку време поминуваат возачите во сообраќајните метежи во 1.064 градови во 38 земји од светот. Ви ги претставуваме „победниците“:
Најлошиот сообраќај во светот: Лос Анџелес
Светски лидер за најдолгите „заглавувања“ во сообраќајот од или кон работното место е градот Лос Анџелес. Возачите во Калифорнија во просек годишно поминуваат 104 часа во автомобилите чекајќи. Тоа време е еднакво на повеќе од две недели поминати во автомобилот...
Московјани треба да бидат трпеливи
На второ место се наоѓа Москва, каде возачите во автомобилите поминуваат 91 час годишно. Една од главните причини за сообраќајните метежи е фактот дека улиците во Москва зафаќаат релативно мала пропорција од целиот простор во градот.
Сообраќајен хорор во Њу Јорк
Њујорчани поминуваат дури 89 часа во автомобилите секоја година. Пет од десетте наjнатрупани градови во светот се наоѓаат во САД - што ја прави најнатрупаната развиена земја во светот.
Доколку одите во Сан Франциско...
Утринското патување преку мостот Голден гејт може да ве чини подеднакво многу време и пари. Возачите заглавени во сообраќајниот метеж годишно ги чини 1,400 американски долари. На национално ниво бројката изнесува речиси 300 милијарди долари.
Лоши изгледи...
Сообраќајниот метеж во Сао Паоло е на шесто место според бројот на поминати часови во автомобилот. Во овој град, возачите годишно поминуваат 77 часа во автомобилите. Иако понудата на нови патишта стагнира, побарувачката за нивно користење се очекува да расте.
Метеж во Лондон
Велика Британија е трета по ред најпогодена земја во Европа од сообраќајен метеж. Според аналитичарите, една од причините за тоа е порастот на онлајн нарачките и возилата за достава кои го предизвикуваат метежот.
Проблем кој се влошува
Со оглед на фактот дека Инрикс не прибира податоци во Кина и Јапонија, градовите во овие земји не се рангирани. Сепак, сообраќајот во регионите на брзорастечките градови постојано се влошува.
Африканските возачи „заробени“ во сообраќајот
Африка исто така не е вклучена во извештајот, затоа што Инрикс не прибира информации од таа земја. На пример Лагос, најголемиот град во Нигерија, е под големо влијаније на сообраќајот. Една од причините за таквата ситуација е финансискиот центар во градот кој е сместен на остров до кој има ограничен пристап. Доколку се случи незгода на патиштата, страда целиот град.