„НАТО мора да стане пофлексибилен“

Како реакција на конфликтот со Русија, НАТО има намера да ја обнови стратегиската поставеност. „НАТО мораме да го направиме подобра форма, побрз и пофлексибилен“, изјави генералниот секретар на Сојузот, Андерс Фог Расмусен на средбата на министрите за одбрана на земјите-членки на НАТО во Брисел.

НАТО, според неговите зборови, проверува каква е состојбата со актуелизирање на плановите за одбрана и развојот на нови планови за одбрана, како и „соодветни стационирања“. За можно прераспределување на трупи на НАТО во источните земји-членки ќе се расправа во септември.

Источните земји членки бараат прераспределба на трупите

Полска, Литванија, Летонија и Естонија веќе бараа стационирање на борбени трупи на други НАТО-држави на своја територија. Тие на тој начин сакаат да ја одвратат Русија од евентуална слична воена акција како, на пример, при анексијата на полуостровот Крим.

Според дипломатите, САД, Германија, Франција и Велика Британија одбиле стационирање на трупи од НАТО во источните земји-членки. Наместо тоа, НАТО би требало да демонстрира подготвеност за ангажман преку маневри, поголема обука и пократко време за реакција.

Расмусен повторно покрена тешки обвинувања против Москва: „Неодговорното и илегално однесување на Русија е сериозен предизвик на единствената, слободна и мирна Европа“. Оттука министрите за одбрана би морале „внимателно да ги проверат краткорочните и долгорочните последици за нашиот сојуз“.

Шефот на НАТО изрази задоволство околу најавите на американскиот претседател Барак Обама за инвестиција во војската од една млијарда долари (735 милиони евра) и времено распоредување на американски трпи во источните членки на НАТО. „Навистина ја поздравувам американската водечка улога при преземањето безбедносни мерки“, рече тој.