Младенов: Македонија и Бугарија да се свртат кон иднината
5 мај 2010Реклама
„Македонија, на бугарската иницијатива за потпишување на договор за добрососедство, даде одговори што се во насока на усогласување на текстот за да дојдеме до прифатлив договор“. Ова денеска во Скопје го истакна шефот на македонската дипломатија Антонио Милошоски, по средбата со неговиот бугарски колега Николај Младенов.
Младенов истакна дека Бугарија и Македонија, како две независни држави можат да бидат пример на Балканот за добрососедски односи. Според него, двете земји треба да се насочат кон прашања што се важни за иднината, а не кон прашања од минатото. Двајцата министри информираа дека се одобрени агреманите за новите амбасадори во Македонија и во Бугарија.
Автор: ЖА/СН/макфакс
Редактор: Симе Недевски