Меркел смета дека острите антитерористички закони се неопходни
9 септември 2011Десет години по нападите врз САД, на 11 септември 2001 година, Меркел во телевизиско интервју истакна дека меѓународната заедница мора да соработува за да научи како решително да му се спротивстави на тероризмот. Опасност од терористички напади, според канцеларката, и натаму постои. Таа го означи како неопходно заострувањето на многу закони од областа на безбедноста по нападите врз САД во 2001 година. Ограничувањата на граѓанските права и слободи и контролите се неопходни за осигурување на повисокото добро на мирен живот, изјави Меркел.
Инаку, полицијата во Берлин вчера уапси двајца осомничени исламистички терористи. 24-годишен Германец со либанско потекло е осомничен дека заедно со 28-годишен соучесник, со потекло од Појасот Газа, планирал бомбашки напад и оти за тоа наводно нарачал хемикалии. Портпарол на полицијата изјави дека истрагата траела повеќе месеци.
Автор: СН/ЖА/дв
Редактор: Елизабета Милошевска Фиданоска