Загадување: помагаат само гас маски
Енормното загадување во Скопје во текот на зимските месеци станува редовна појава последниве години. Новите градски власти најавија итни мерки, но засега ефектот од нив е незначителен.
Каде е градот?
Вака изгледа Скопје од воздух утрово. Целата котлина во која се наоѓа градот е прекриена од густа магла веќе втор ден. Наслагите од смог и аерозагаденоста под оваа прекривка се огромни. Мерачите во повеќе скопски општини покажуваат ниво на ПМ10 честички во воздухот од над 400 микрограми.
Спас во специјални маски
На вакви фотографии досега бевме навикнати од некои од најзагадените светски метрополи, претежно во Кина и други азиски држави. За жал, Скопје одамна ги надмина и најзагадените светски градови.
Носете марама или шал
Жена си го покрива лицето додека шета низ Скопје. Според неколку македонски медиуми, во меѓувреме има недостаток и на специјални маски за дишење. Во секој случај, обидете се да се заштитите со марама или шал.
Спас во околината
Овој човек нашол привремен спас од загадениот воздух на планините околу Скопје. Таму, освен што можете да сведочите на скопската магла, можете и да продишете малку чист воздух, барем неколку часа во денот.
Апокалиптични сцени
Ноќните фотографии од Скопје се уште пострашни, Оваа е сликана ноќта на 14 декември. Таа покажува зошто Скопје деновиве е на врвот на светските листи на загаденост.
Ќе се преземат ли мерки?
Од градот Скопје велат дека краткорочните мерки не можат преку ноќ да го решат проблемот. Се работи на долгорочна стратегија, тврди градоначалникот Шилегов кој ги обвинува своите претходници дека не работеле систематски на овој проблем.
Еколозите бараат утврдување вина
Еколошките организации ги отфрлаат мерките на градските власти и велат дека треба да се преземат поостри санкции кон големите загадувачи, но и кон граѓаните. Паралелно со мерките од надлежните треба да се менува и свеста на граѓаните.