ЕУЛЕКС се распоредува на Косово
9 декември 2008Реклама
Шефот на мисијата ЕУЛЕКС, Ив де Кермабон на заедничкиот состанок со претседателот и со премиерот на Косово соопшти дека околу 1400 припадници на ЕУЛЕКС започнаа со работа на целата територија на Косово, вклучително и на граничните премини на северот.
„Тоа значи дека утрината во 9 часот од УНМИК ја преземавме одговорноста за редот и законот на Косово. Тоа беше сторено во тесна соработка со косовската влада“, рече Ив де Кермабон.
Тој нагласи дека припадниците на ЕУЛЕКС без никакви проблеми се распоредиле и на северниот дел на Косово, каде што живее мнозинско српско население.
„Во моментов имаме околу 100 припадници во северниот дел на Косово. Тие се присутни и на граничните премини“, додаде шефот на ЕУЛЕКС.