Германски топ десет
22 март 20101. Stromae - Alors on Danse
Се вика Паул Ван Хавер, текстописец е и продуцент на хип хоп и електро музика. На музичката сцена прво настапуваше под псевдонимот Opmaestro, а денес под Stromae. По освојувањето на белгиската и француската топ листа, Stromae веќе две недели по ред го држи шампионското место и во Германија.
2. Kesha - Tik Tok
Неколку недели го држеше самиот врв во Германија, минатата недела се најде на четвртата позиција, а овојпат повторно бележи искачување за две позиции - Kesha со Tik Tok се враќа на местото број два во Германија.
3. Unheilig - Geboren um zu leben
4. Rihanna - Rude Boy
Како новитет во Германија директно на четвртата позиција - Rihanna со Rude Boy. Ова воопшто не е лош резултат, иако поголема причина за славење има на листата во САД, каде веќе постави нов рекорд - по хитовите S.O.S., Live Your Life, Umbrella, Disturbia и Take A Bow, Rude Boy е шестиот сингл на Rihanna што го освојува врвот на официјалната американска сингловска листа.
5. Cheryl Cole - Fight For This Love
6. Keri Hilson - I Like
7. IYAZ - Replay
IYAZ има 22 години, доаѓа од Британските девствени острови и никогаш не ни сонувал дека може да постигне светски успех со неговата музика. Целта ми беше на луѓето да им пренесам дел од летото, вели IYAZ, кој се подготвува за издавање на неговиот прв студиски албум во април.
8. Timbaland ft. Katy Perry - If We Ever Meet Again
If We Ever Meet Again e четвртиот сингл од албумот на продуцентот Timbaland, насловен Shock Value, а овојпат како гостинка ја има Katy Perry. Инаку Timbaland неодамна откри дека инспирацијата за овој сингл ја добил од песната на Black Eyed Peas, I Gotta Feeling. Освен тоа, ова е еден од ретките синглови каде го слушаме Timbaland како пее, наместо да рапува. „Не дека пејам којзнае колку добро, но песната совршено одговара на мојот глас“, истакнува скромно мега-успешниот продуцент.
9. Die Atzen Frauenarzt & Manny Marc - Disco Pogo
10. David Guetta ft. Kic Cudi - Memories
На албумот One Love, David Guetta соработуваше со голем број ѕвезди, како Kelly Rowland, Estelle, Akon, а последен во редот е Kid Cudi. По огромниот успех што го постигна како продуцент, побарувачката по David Guetta станува се` поголема. Веќе е сигурно дека тој ќе продуцира најмалку еден сингл што треба да се појави на новиот албум на поп-пејачката Britney Spears, кој светлината на денот треба да ја здогледа овој јуни.
Извор: Мedia control GfK/ТТ