Германски топ десет
3 август 20091. Emiliana Torrini - Jungle Drum
Благодарение на новиот сингл, Emiliana Torrini стана една од најбараните концертни изведувачи за следната сезона во Германија. Веќе е закажан нејзиниот настап за крајот на јануари во Дортмунд. Дали нејзиниот настап ќе има повеќе електро, инди или вестерн призвук - ќе зависи најмногу од нејзиното моментално расположение.
2. Cassandra Steen & Adel Tawil - Stadt
3. David Guetta ft. Kelly Rowland - When Love Takes Over
Додека Kelly ужива во успехот на нејзиниот нов синлг, ги демантира шпекулациите дека Destiny's Child повторно се обединиле за да работат на нов албум на групата. Додека тоа се случи - ги имаме соло-хитовите барем на две од членките на една од најуспешните женски групи во музичката историја.
4. The Black Eyed Peas - I Gotta Feeling
Веќе седумнаесет недели го држат врвот во САД, најпрвин со Boom Boom Pow, a минативе пет недели местото број еден го презема нивниот нов сингл, I Gotta Feeling. Досега овој рекорд го држеше бендот Boys II Men во деведесеттите години. Black Eyed Peas во Германија се` уште на скромната четврта позиција.
5. Cascada - Evacuate The Dancefloor
6. Lady Gaga - Poker Face
Стефани Џоан Анџелина Германота е нејзиното целосно име и презиме, но светот во последнава година ја знае едноставно како Lady Gaga. Првиот договор за снимање го потпишала на деветнаесет години со Def Jam Records, но по три месеци била отпуштена. Неколку години подоцна почнува да работи за дискографската компанија Interscope, каде пишувала музика за ѕвезди како Fergi, Pussicat Dolls и Britney Spears. Пробивот се случува кога раперот Akon го открива нејзиниот вистински талент и и` помага да го издаде првиот албум The Fame под етикетата на неговата издавачка куќа.
7. Lady Gaga - Love Game
8. Linkin Park - New Divide
9. The Gossip - Heavy Cross
Најголем успех минатата недела Gossip забележаа на швајцарската топ десет листа, каде се искачија дури до третото место со новиот сингл, преземен од четвртиот албум Music For Men. Heavy Cross неделава во Германија на деветтата позиција.
10. Pitbull - I Know You Want Me
Американецот со кубанско потекло Pitbull првиот албум го издава во 2004 година, а кон крајот на месецов во продажба треба да се најде и новото студиско остварување, насловено Rebellution. Меѓу другото, на нето се наоѓа и синглот I Know You Want Me, што, всушност, е преработка на 75 Brasil Street на Nicola Fassano од пред некоја година.