Вардар на сите страни на Европа

Дебитантскиот настап во најмасовното клупско натпреварување на УЕФА ќе го однесе скопски Вардар на сите страни на континентот. Противниците на македонскиот шампион во групата Л во годинешната сезона на Лига на Европа доаѓаат од Русија, Шпанија и Норвешка. На денешната ждребка во Монако за носител на групата Л беше извлечен Зенит од Санкт Петербург а од вториот и третиот шешир се придодадоа Реал Сосиедад и Розенборг.

Скопските и македонските вљубеници на фудбалот ги очекува возбудлива фудбалска есен со три домашни натпревари на Вардар во Телеком арената против силни противници и три гостувања во Русија,, Шпанија и Норвешка. Натпреварите во групите во Лигата на Европа започнуваат на 14 септември а ќе завршат на 7 декември 2017 година.

Останатите групи во Лига Европа во сезоната 2017/2018:

Група А: Вилјареал, Макаби Тел Авив, Астана, Славија Прага

Група Б: Динамо Киев, Јанг Бојс, Партизан, Скендербег

Група Ц: Брага, Лудогорец, Хофенхајм, Истанбул Башакшехир

Група Д: Милан, Австрија Виена, Риека, АЕК

Група Е: Олимпик Лион, Евертон, Аталанта, Аполон Лимасол

Група Ф: Копенхаген, Локомотив Москва, Шериф Тираспол, Злин

Група Г: Викторија Плзен, ФЦС Букурешт, Хапоел Бер Шева, Лугано

Група Х: Арсенал, БАТЕ Борисов, Келн, Црвена звезда

Група И: Салцбург, Олимпик Марсеј, Виторија Гимараеш, Конјаспор

Група Ј: Атлетик Билбао, Херта, Зорја Луханск, Естерсундс

Група К: Лацио, Ница, Зулте Варегем, Витесе

Инаку, македонскиот шампион синоќа со втората победа во меѓусебниот дуел со големиот фаворит Фенербахче, оствари историски успех за македонскиот фудбал. Вардар славеше и на гости во Истанбул со 2:1, додека резултатот во Скопје беше 2:0.