Буш – Австралија
6 септември 2007Реклама
Американскиот претседател Џорџ Буш се сретна со водачот на австралиската опозиција Кевин Руд. Тој според анкетите на јавното мислење има добри шанси да победи на следните парламентарни избори и да дојде на чело на австралиската влада на местото на сегашниот премиер Џон Хауард. Додека Хауард на средбата со Буш во Сиднеј вети останување на австралските војници во Ирак, Руд има намера да ги повлече. Буш престојува во Австралија по повод самитот на азиско-пацифичкиот економски форум. На маргините на средбата Буш треба денеска да се сретне и со кинескиот претседател Ху Ѓинтао.