Azumin Ramadana cikin annobar Coronavirus

Zai yi wuya ka san abin da zai faru idan akwai mutanen da suka saba taruwa a dakin Ka'aba da ke birnin Makka. Annobar cutar Coronavirus ta takaita mutane da suke wannan aiki. Akwai tsirarun mabiya da suka zo babban Masallacin a farkon watan Ramadan. Galibin mutanen da suke cikin hoton masu shara ne, wadanda yanzu aikin da suke yi yake da muhimmanci.

A karkashin matakan kasashen Turai, wannan taruwar iyalin a birnin Malwana na Siri Lanka, ba zai yiwu ba saboda annobar cutar Coronavirus. Mutane ba sa nesa da juna kuma suna kokarin buda-baki na azumin watan Ramadana. Suna addu'ar karshe kafin buda-bakin.

A Isra'ila, ana bin matakan yaki da cutar Coronavirus sau da kafa. Falasdinawan da ke nan Jaffa sun bi matakan. Zama a wurin da ake ajiye motoci ya samar da filin da ake bukata domin yin nesa da juna.

A Jakarta babban birnin Indonesiya wayoyin hannu da internet sun zama ruwan dare, hakan ya taimaki wani limami mai suna Bambang Suprianto. Yana karanta al-Kur'ani da addu'a ta Internet daga Masallaci ta kafofin sada zumunta. Suprianto ya zama abun koyi, saboda yana karatun sanye da takunkumin rufe fuska na kariya.

Musulman da suke Daerborn da ke Michigan ba su manta da azumin watan Ramadana ba. Masu aiki a Masalalci sun bayyana fara azumin a cikin wasikun da suka rabawa mabiya, inda aka rubuta: "Ramadan Kareem."

Za ka iya yin salla kai kadai- Ko da Masallatai na cika a lokacin azumin watan Ramadana. Amma idan kai kadai ne, mutum zai iya shimfida darduma a kan rufin gida a birnin Colombo na Siri Lanka ya hango sararin samaniya. Wannan yaron ya daga hannunsa sama yana kallon sama yana addu'a, lokacin da yana jiran lokacin da za a sha ruwa domin kammala azuminsa na wannan rana.

Mutane da dama na cewa an bar Jamus a baya idan ana maganar Internet. Ko haka ne: Benjamin Idris limanin cibiyar Islama da ke garin Penberg na jihar Bavariya, yana amfani da wayar salula wajen isar da karatunsa na al-Kur'ani ta Internet. Cikin wannan hoto za a gane dalilin bai wa taswirar Masallacin lambar yabo, lokacin da aka bude shi a shekara ta 2005.

Ba kawai wannan husumiyar ta Galata da ke birnin Santanbul ce babu kowa ba a wannan yammaci. Mahukuntan kasar sun umurci a rufe daukacin Masallatan da ke kasar Turkiyya lokacin azumin watan Ramadan. Ita ma Turkiyya tana yaki da cutar COVID-19. Haka kuma wannan hoton mai kyalkyali, na nuna yadda ake kokarin dakile komai.

Abubuwa kalilan ke aiki kullum a Kathmandu babban birnin Nepal. A ranar farko da aka fara azumi, an kira salla. Duk da annobar cutar Coronavirus, ana jin kiran sallah a duk lokutan salla a tsawon rana kamar yadda aka saba.

Ginin zamani da aka yi domin baje kolin kayayyaki dabam-dabam a Singapore. Harkokin tattalin arziki sun tsaya a duniya baki daya, kuma babu wata dama nan kusa na yin baje kolin wani abu. Ginin ya zama wajen da ake kula da masu dauke da cutar COVID-19 da kuma yin salla lokacin azumin watan Ramadana.