کمک روسیه به تاجیکستان برای ایجاد پسته در مرز با افغانستان

اندری رودینکو، معاون وزیر خارجه روسیه شام پنجشنبه به خبرگزاری «ریا» گفت: «حالا یک توافقنامه در مورد کمک به تاجیکستان برای احداث یک پسته مرزی در حال تدوین است تا به امضای دو طرف برسد».

حکومت تاجیکستان به تازگی به خاطر بدتر شدن وضعیت امنیتی در افغانستان اظهار نگرانی کرده است. روسیه در این کشور یک پایگاه نظامی دارد.

در اوائل ماه روان، صدها سرباز افغان در پی حمله طالبان به تاجیکستان فرار کردند. شورشیان طالبان با استفاده از فرصت ایجاد شده در پی خروج نیروهای خارجی، در حال پیشروی در افغانستان هستند و تعداد قابل توجهی از ولسوالی ها و پسته های مرزی را تصرف کرده اند.

نیروهای امنیتی افغانستان که به تاجیکستان فرار کرده بودند، توسط پروازهای ویژه ای که از سوی حکومت افغانستان سازمان دهی شده بود، پس به این کشور برگردانده شدند.

روسیه، تاجیکستان و ازبکستان قرار است در ماه آینده مانورهای نظامی مشترک در نزدیکی مرز تاجیکستان با افغانستان انجام دهند. مسکو برای تقویت پایگاه نظامی اش در تاجیکستان نیزی تجهیزات جدیدی به آن جا می فرستد.

Me, af (Reuters)