የዳሎል ጨዉ አምራቾችና ነጋዴዎች ቅሬታ

በአፋር ክልል ዳሉል ወረዳ የሚገኙ ጨው አምራቾችና ነጋዴዎች  ምርታቸዉን እንዳይሸጡ የክልሉ መንግስት «ከለከለን» አሉ። በዳሎል አካባቢ በባሕላዊ መንገድ ጨዉ የሚያመርቱና የሚነግዱት ሰዎች እንደሚሉት ለገበያ ለማቅረብ መኪና ላይ የጫኑት የጨዉ ምርት  በራሕሌ ዉስጥ  ታግዶባቸዋል።የጨዉ ምርቱን የጫኑ ተሽከርካሪዎች እንዳይንቀሳቀሱ ከታገዱ ሶስት ቀናት ማለፉንም ቅሬታ አቅራቢዎቹ ተናግረዋል።የአካባቢው  ባለስልጣናት  ግን ጨዉ አምራቾቹና ነጋዴዎቹ በመግሥት ሕጋዊ ፈቃድና እዉቅና አልተሰጣቸዉም ይላሉ።የታገዱትም መኪኖች መለቀቃቸዉን አስታዉቀዋል።በዳሎል ወረዳ በጨዉ ማምረት፣ ማዘጋጀትና መነገድ ሥራ ከ10 ሺሕ በላይ ህዝብ ይተዳደራል።

ሚሊዮን ኃይለ ስላሴ 

ነጋሽ መሐመድ

አዜብ ታደሰ