ከእናቶቻቸው ጋር የሚታሰሩ ሕጻናት አያያዝ “አሳሳቢ” እንደሆነ ኢሰመኮ አስታወቀ

የኢትዮጵያ ሰብዓዊ መብቶች ኮሚሽን ባወጣው ባለ 36 ገጽ የምርመራ ሪፖሪት አሳሳቢ ያላቸውን የመብት ጉዳዮች ዘርዝሯል። ከጥቃት የመጠበቅ መብት፣ በሴቶችና ሕፃናት መነገድ፣ ጠለፋ፣ አስገድዶ መድፈር እና መሰል ጎጂ ልማዳዊ ድርጊቶች አሳሳቢ ችግሮች መሆናቸውን ጠቅሷል።

«የታራሚዎች በተጨናነቀ ሁኔታ መያዝ አሳሳቢ ነው»ኢሰመኮ

በኢሰመኮ የአካል ጉዳተኞች እና የአረጋውያን መብቶች ኮሚሽነር ርግበ ገብረሐዋርያት ይሁን ጨማሪ  ማብራሪያ ሰጥተዋል።
ኢሰመኮ ግጭት የሚያስከትለው አደጋ እንዲሁም ሕፃናት እና ሴቶች በሀገር ውስጥ በሰው በመነገድ ድርጊት ሰብዓዊ ክብራቸው እየተገፈፈ መሆኑ ሌላው አሳሳቢ ችግር መሆኑን ጠቅሷል። ድርጊቱ አሳሳቢ የመብት ጥሰትን እያስከተለ ቢሆንም መንግሥት በሰው መነገድን በመከላከል ፣ በመቆጣጠር  እና ውጤታማ መፍትሔ በመስጠት ረገድ ተገቢውን ቦታ ያልሰጠው በመሆኑ ጉዳዩ እንዳሰሰበው በመግለጫው ጠቅሷል። 

የአማራ ክልል የጸጥታ ሁኔታ፤ የኢትዮጵያ ሰብአዊ መብቶች ኮሚሽንን ጨምሮ ዓለም አቀፍ ተቋማት ተፋላሚ ኃይሎች ወደ ውይይት እንዲመጡ ጥሪ አቅርበዋል።

የኢሰመኮ የሴቶች.እና የሕፃናት መብቶች ኮሚሽነር መስከረም ገስጥ ሕፃናትና ሴቶች ሰብአዊ መብቶቻቸው ተከብረው ከጥቃት፣ ከሥጋትና ከመድልዎ ነጻ የሆነ፤ ሰላም፣ እኩልነትና ሰብአዊ ክብር የሰፈነበት ሕይወትን እንዲኖሩ በሪፖርቱ የተካተቱትን ምክረ ሐሳቦች ለማስፈጸም ጥረት እና ርብርብ ሊደረግ ይገባል ብለዋል።

ሰለሞን ሙጬ
እሸቴ በቀለ