የኢትዮጵያ አየር መንገድ ምርትና አገልግሎት

 

የኢትዮጵያ አየር መንገድ ለአዉሮፕላን መሥሪያ የሚያገለግሉ የኤሌክትሪክ ገመዶችን (Cabels) እያመረተ ለዩናይትድ ስቴትሱ አዉሮፕላን አምራች ኩባንያ ለቦይንድ መሸጥ መጀመሩን አስታወቀ። የአየር መንገዱ ቃል አቀባይ እንዳሉት ኩባንያቸዉ በኢትዮጵያዉያን መሐንዲሶች የሚሰሩ ሌሎች የአውሮፕላን አካላትንም ለአዉሮፕላን አምራች ኩባንዮች ለመሸጥ አቅዷል። የኢትዮጵያ አየር መንገድ አገልግሎትና ምርቱ እየሰፋ፣ ገቢውም እያደገ መምጣቱን ቃል አቀባዩ አክለዉ ገልፀዋል። ይሁንና የፈረንሳዩ ዜና አገልግሎት አዣንስ ፍራንስ ፕሬስ በያዝነዉ ሳምንት እንደዘገበዉ የኢትዮጵያ አየር መንገድ በኮሮና ተሕዋሲ ምክንያት ከአንድ ቢሊዮን ዶላር በላይ ገቢ አጥቷል። 850 ሠራተኞቹ ደግሞ በተሕዋሲዉ ተይዘዋል።

ዮሐንስ ገብረ እግዚአብሔር

ነጋሽ መሐመድ