በሙዚቃ ስለኮሮና ማስተማር

በሀዋሳ ከተማ ነዋሪ የሆኑት ጓደኛሞቹ ኢዛት ወግደረስ እና ሩሃማ ከድር ሁለቱም 13 ዓመታቸው ነው። የ7ኛ ክፍል ተማሪ የሆኑት እነዚህ ታዳጊዎቹ የራፕ እና ሂፕ ሆፕ የሙዚቃ ስልትን እየተጠቀሙ እና በቅብብሎሽ እየዘፈኑ ተማሪዎች ራሳቸውን ከኮቪድ 19 ወረርሽኝ እንዲጠብቁ የጥንቃቄ መልዕክቶችን እያስተላለፉ ይገኛሉ።  የዝምታ ሰባሪ አዳጊ ሴቶች ዘጋቢ ሊሻን ዳኜ ሁለቱ ጓደኛሞች ወደ ሚማሩበት ትምህርት ቤት በመሄድ ተሰጥዋቸውን ተመልክታለች።  ወደ መድረክ በመውጣት የሚፈልጉትን መልዕክት በዘፈን ማስተላለፍ መቻላቸው በራስ የመተማመን ስሜት ፈጥሮላቸዋል። በተሰመሳሳይ የእድሜ ክልል የሚገኙ ልጆችም በውስጣቸው ያለውን ፍላጎት አውጥተው ማሳየት አለባቸው ይላሉ። 

ሊሻን ዳኜ