Иселенички егзодус
12 декември 2017
Лекарски егзодус од Македонија
Во последниве години Македонија ја напуштиле над 600 лекари, главно во Германија, но и други ЕУ земји. Одливот на медицински стручен кадар станува сѐ подраматичен а на заминување размислуваат и оние кои допрва го печат занаетот.
Бугарски пасош за работа во ЕУ
Колку Македонци имаат бугарски пасош, засега нема точен податок. Проценките се движат од 50.000 до над 100.000 граѓани. Бугарскиот пасош важи за „полесен“ пат до европска работна виза. Сѐ повеќе млади, но и постари бараат излез со овој документ. Какви се нивните искуства?
Билет во еден правец
Блатец, место во источна Македонија, во близина на Виница, е синоним за иселувањето, посебно на младите. Типична е приказната на Цветко, кој ги школувал двете ќерки, но не успеал да ги задржи во Македонија. Со годините, веќе и тој не чувствува ништо посебно што го врзува за родниот крај.
Остануваат само старите...
Во тетовското село Нераште работат само чајџилниците. Младите, без работа и без перспектива, бараат начин што побрзо да заминат во странство, старите остануваат како неми набљудувачи на егзодусот.
Роми во потрага по азил
Сонот за „ветениот Запад“ ја испразни единствената ромска општина во Европа. Азилот за Ромите значеше надеж, но за многумина донесе разочарување, како за Исак, локален боксер. „Бев азилант два месеца во Германија, ги потрошив и сите пари што ги собирав за да заминам. Затоа веќе не сакам ниту да слушнам за таму,“ вели тој.
И дома може да е убаво
По завршеното средно училиште и без големи шанси за наоѓање работа во родниот Томиславград во БиХ, Марко Багариќ решил да замине во Германија, да најде работа и таму да живее. Со текот на времето, сфатил дека таа земја можеби не е за него.